Vacacións!!

Celebramos que o 2013 chega ao seu fin e deséxamos que o 2014 sexa un ano cheo de sorrisos para todos. Xa están aquí as vacacións!

 

                       

 

                                                

 

Obradoiro

Hoxe fixemos un obradoiro cun material novidoso chamado Jumping Clay. Viñeron dous monitores para axudarnos a facer estes peixiños tan chulos. Aquí tedes as fotos do noso taller:

            

 

De visita ao Mosteiro

En compañía de todos os nenos e nenas de 2º de Primaria de Poio, visitamos o Concello, onde estivemos charlando co alcalde, Luciano Sobral, sobre todas as cousas que se poden mellorar na nosa localidade e, tamén, aprendimos as cousas que ten que facer un alcalde no día a día.
Despois, fomos dar unha volta polo Mosteiro de Poio. Alí, despois de ver un vídeo, unha guía moi simpática, explicounos toda a historia deste Mosteiro.

 

Vota o noso muiño!!

O muiño de auga do CEIP Espedregada xa está rematado!!
Participamos nun concurso de arte e reciclase e necesitamos 50 votos para pasar á final.
Pinchando neste enlace, tedes un acceso directo ás fotos da nosa obra.
Hai que darlle ao cadro amarelo que pon VOTAR e introducir o noso correo electrónico. Despois, hai que validar o voto no correo (cada correo só poderá votar unha vez: un correo, un voto).
Non esquezades validar, senón, o voso non conta. E o necesitamos!
Gracias a todos pola vosa colaboración.

"A nena e o grilo nun barquiño"

Esta semana fixemos unha saída ao Centro Social de Novacaixagalicia para ver un musical. Á saída, demos un paseo ata a Alameda, onde merendamos e xogamos un rato, antes de subir ao bus e regresar ao cole.

Magosto

O venres foi un día distinto ao resto do curso: celebramos a chegada do Magosto con montón de actividades. A primeira hora da mañá, os compañeiros de 4º, pasaron pola nosa clase para contarnos un conto, sobre unha castaña moi particular, chamada Dorinda. Despois, levamos a cabo unha carreira solidaria en colaboración con Save the Children para recadar fondos para os nenos e nenas etíopes. Este ano, dimos un montón de voltas. E para rematar a mañá, recuperamos as forzas, tomando un montón de castañas que, a profe Vanessa e a profe María Jesús, prepararon con moito traballo e moito cariño para todos nós.
Aquí tedes as fotos para ver que ben o pasamos!

 

Receitas montruosas

E así preparamos o Samain este curso... con pantasmas de plátano, basoiras de meiga e cabazas de mandarina. Que rico!

      

     

 

      

Comezamos!

E aquí estamos de novo, iniciando un novo curso. Este ano temos compañía.....mirade cantos somos!

Vacacións!

Non vos esquezades de ler un pouquiño todos os días: na praia, na piscina, no sofá,.. onde queirades. Rematamos así o curso, disfrutade do verán e vémonos o día 11 de setembro.
Lembrade traer as pilas cargadas á volta!!

Festival fin de curso

Aquí están as fotos do festival de fin de curso, celebrado no Centro Cultural Xaime Illá de Raxó. Os de 1º e os de 2º levamos a cabo unha obra de teatro titulada O parque enfermo, escrito por Damián Cañas e publicado na Editorial Everest.

 

Imos ao Centro Comercial!

Aquí tedes as fotos da última saída que fixemos, ao Centro Comercial A Barca. Estivemos acompañados por todos os nenos de 1º do concello. E a concelleira de educación foi a encargada de darnos a benvida.
Visitamos o almacén, a zona das neveiras, a pescadaría, a froitaría, o forno da pastelaría, etc.