Rico, rico!

Estamos en Acuña! Que difícil é estar aquí aquí e non probar nada, aínda que sexa só coa puntiña do dedo. Que ben cheira todo: empanadas, canas de crema, napolitanas, barras de pan,...
E por se isto fora pouco, ao marchar, déronnos dous boliños de pan a cada un. Que sorte!

 

 

 

De visita á Comandancia!

Esta semana fomos de visita á Biblioteca Pública de Pontevedra e, despois, fomos ata a Comandancia da Garda Civil, onde o pasamos xenial. Temos que volver!
Ao día seguinte, escribimos nunha cartolina mensaxes de agradecemento para os axentes que nos ensinaron todas as instalacións.
Se pinchades nos diferentes enlaces, podedes ver máis fotos: Faro de Vigo, Faro de Vigo 2, Pontevedra Viva.

 

 

 

Quiosco ARCO DA VELLA

Mirade que chulo quedou o noso quiosco! Os alumnos collían revistas ou periódicos e lían onde máis cómodos se sentían. Así da gusto ler!

 

 

Con Raquel Queizás

Hoxe visitounos a contacontos RAQUEL QUEIZÁS. Pasámolo xenial, rimos un montón!

 

 

Plantación

Empezamos a preparar a horta este curso. Primeiro prantamos dentro da clase para ver como saen raíces das diferentes sementes e logo, xa no invernadoiro.
Como recollemos as sementes? Pois das froitas que comemos nos recreos e algunha outra que trouxemos a maiores. Este curso prantamos sementes de: limón, mandarina, pemento laranxa, pemento amarelo, laranxa, aguacate, fresas e mazá. Tamén garabanzos e lentellas.
E sabes cales foron as primeiras en saír? Pois as lentellas, os pementos e a maceira!

 

 

 

Unha de amizade, por favor!

O pasado venres día 12 de febreiro, os alumnos de CEIP de Espedregada, celebraron o día dos namorados. Decoraron un corazón de papel con pegatinas e rotuladores e escribiron unha mensaxe de amor e amizade. A continuación, cortárono pola metade con tesoiras de formas. Todas as metades xuntáronse nunha caixiña e, cada alumno debía coller unha metade para buscar a súa parella. Desta forma, os corazóns, volveron a estar enteiros e cheos de cariño. Ao rematar, as parellas, fundíronse nun gran abrazo. 

 

 

Hawaianos!

Por fin a chuvia nos deixa facer o pasarrúas! Bailamos, cantamos, rimos, saltamos,...fixemos todo canto se nos ocorreu mentres camiñabamos ata a Praza do Pobo de Samieira.
A nosa canción tedela enteira neste enlace por se queredes escoitala.

 

 

Paz

As compañeiras da Casa Rosada viñeron celebrar o Día da Paz con nós. Quixeron retomar a figura do
sereo para ter as chaves que abren o mundo da paz, o mundo do amor, o mundo do respecto,...
Lemos os nosos desexos de paz e logo, disfrutamos bailando unha fermosa canción.